অসমৰ প্ৰথম অৰ্জুন বঁটাপ্ৰাপক ভোগেশ্বৰ বৰুৱাৰ জন্মদিন উপলক্ষে অভিৰুচিৰ তৰফৰ পৰা ৩ ছেপ্তেম্বৰত প্রতিবছৰে অভিৰুচি ক্রীড়া দিৱস উদযাপন কৰি আহিছে। ৪১ সংখ্যক অভিৰুচি ক্রীড়া দিৱস এইবাৰ দুদিনীয়া কাৰ্যসূচীৰে পালন কৰা হ’ব। অহা ৩ আৰু ৪ ছেপ্তেম্বৰত অনুষ্ঠিত হ’বলগীয়া এই দিৱসৰ দুদিনীয়া কাৰ্যসূচীত অসম গৌৰৱ লাভলীনা বৰগোহাঁই আৰু অলিম্পিয়ান হকী খেলুৱৈ টি এইচ অনুৰাধা দেৱীয়ে মুখ্য অতিথি হিচাপে অংশগ্ৰহণ কৰিব।