ভাৰত আজি মাস্কাটত চলি থকা মহিলাৰ জুনিয়ৰ এছিয়া কাপ হকী প্ৰতিযোগিতাৰ লীগ পৰ্যায়ৰ চতুৰ্থ তথা অন্তিমখন খেলত থাইলেণ্ডৰ বিৰুদ্ধে অৱতীৰ্ণ হ’ব। ভাৰত কালি লীগ পৰ্যায়ৰ নিজৰ তৃতীয়খন খেলত চীনৰ বিৰুদ্ধে ২-১ গ’লৰ ব্যৱধানত পৰাস্ত হয়। এই জয়ৰ সুবাদত চীনে ৯ পইণ্টেৰে পুল এ-ৰ শীৰ্ষস্থান দখল কৰি ছেমিফাইনেলত উপনীত হৈছে। ভাৰতে এতিয়ালৈ ৬ পইণ্ট লাভ কৰি মালয়েছিয়াৰ সৈতে যুটীয়াভাৱে দ্বিতীয় স্থানত আছে। প্রতিযোগিতাৰ ছেমিফাইনেল খেল দুখন শনিবাৰে আৰু ফাইনেল খেলখন দেওবাৰে খেলোৱা হ’ব। ভাৰতে জাপানত অনুষ্ঠিত প্রতিযোগিতাখনৰ শেহতীয়া সংস্কৰণৰ ফাইনেলত দক্ষিণ কোৰিয়াক ২-১ গ’লত পৰাস্ত কৰি খিতাপ দখল কৰিছিল।