ভাৰতীয় বতৰ বিজ্ঞান বিভাগে মঙলবাৰপৰ্যন্ত অসমকে ধৰি উত্তৰ পূৰ্বাঞ্চলত ধুমুহা-বৰষুণ হ’ব পাৰে বুলি আগলি বতৰা দিছে। বতৰ বিজ্ঞান বিভাগে কৈছে যে অসম, মেঘালয়, নাগালেণ্ড, মণিপুৰ, মিজোৰাম, ত্ৰিপুৰা, অৰুণাচল প্ৰদেশ, ছিকিম আৰু পশ্চিমবংগত পৰৱৰ্তী ৭ দিনত বিজুলী-ঢেৰেকেনিৰে মজলীয়া বৰষুণ হ’ব পাৰে আৰু প্রতি ঘণ্টাত ৫০ কিলোমিটাৰপৰ্যন্ত বেগেৰে বতাহ বলিব পাৰে। ঝাৰখণ্ড আৰু ওড়িশাত আজি একেধৰণৰ বতৰ হ’ব পাৰে বুলি বিভাগে প্ৰকাশ কৰিছে।