উপ-ৰাষ্ট্ৰপতি জগদীপ ধনখড়ে কয়, যে দেশত লাখ লাখ অবৈধ প্রবাসী নাই আৰু দেশৰ জনগাঁথনি সলনি কৰিব পৰাকৈ ৰাজনৈতিক নিৰ্বাচনত তেওঁলোকক অংশগ্ৰহণ কৰিবলৈ দিয়া নহয়। তেওঁ যুৱ সমাজক ৰাষ্ট্ৰ বিৰোধী ভাৱধাৰাৰ পৰা বিৰত থাকিবলৈ আহ্বান জনায়। চার্টার্ড একাউণ্টছ অৱ ইণ্ডিয়া প্রতিষ্ঠানে কালি দিল্লীত আয়োজন কৰা ৱৰ্ল্ড ফ’ৰাম অৱ একাউণ্টেটছ সন্মিলনত অংশগ্ৰহণ কৰি উপ-ৰাষ্ট্ৰপতিগৰাকীয়ে কয়, যে যুৱ সমাজে দেশৰ অস্তিত্ব সম্বন্ধীয় প্ৰত্যাহ্বানসমূহৰ বিষয়ে ভবা উচিত। শ্ৰীধনখড়ে কয়, যে কোনো কোনো লোক আৰু প্ৰতিষ্ঠানে দেশৰ বিকাশৰ যাত্ৰাৰ প্ৰতি ভাল পোৱা নাই। সেয়েহে এনে লোকে সদায় বিৰূপ মনোভাৱৰ পৰিৱেশ সৃষ্টি কৰি আহিছে। উপ-ৰাষ্ট্ৰপতিগৰাকীয়ে যুৱ সমাজৰ প্ৰতি আহ্বান জনাই কয়, যে যুৱ সমাজৰ মাজত শক্তি নিহিত হৈ আছে, যিয়ে ৰাষ্ট্ৰ বিৰোধী ভাৱধাৰাক মষিমূৰ কৰিব পাৰে। তেওঁলোকে এই শক্তিৰ দ্বাৰা ৰাষ্ট্ৰবিৰোধী সকলো ভাৱনা আৰু কাৰ্যক দূৰ কৰিব পাৰে। সন্মিলনত শ্ৰীধনখড়ে অর্থনৈতিক ৰাষ্ট্ৰবাদৰ ভাৱনা গঢ়ি তোলাত গুৰুত্ব আৰোপ কৰে, কিয়নো এনে ভাৱনাই দেশৰ অৰ্থব্যৱস্থা টনকিয়াল কৰিব।