উপ-ৰাষ্ট্ৰপতি জগদীপ ধনখড়ে স্বাস্থ্যজনিত কাৰণত কালি পদত্যাগ কৰিছে। ৰাষ্ট্ৰপতি শ্ৰীমতী দ্রৌপদী মুৰ্মুলৈ প্ৰেৰণ কৰা এখন পত্ৰত শ্ৰীধনখড়ে উল্লেখ কৰে যে চিকিৎসকৰ পৰামৰ্শ অনুসৰি স্বাস্থ্যৰ যত্ন লোৱাৰ বাবে তেওঁ তাৎক্ষণিকভাৱে কাৰ্যকৰী হোৱাকৈ উপ-ৰাষ্ট্ৰপতি পদৰ পৰা অব্যাহতি বিচাৰিছে। ৰাষ্ট্ৰপতি শ্ৰীমতী মুৰ্মুৱে তেওঁৰ কাৰ্যকালত আগবঢ়োৱা সহায়-সমৰ্থনৰ বাবেও শ্রীধনখড়ে কৃতজ্ঞতা জ্ঞাপন কৰে। শ্ৰীধনখড়ে প্ৰধানমন্ত্ৰী নৰেন্দ্ৰ মোদীৰ লগতে কেন্দ্ৰীয় মন্ত্ৰী পৰিষদৰ প্ৰতিও তেওঁ কৃতজ্ঞতা জনায়। প্রধানমন্ত্রী নৰেন্দ্ৰ মোদীৰ সহযোগিতা আৰু সমৰ্থন অমূল্য বুলি অভিহিত কৰি তেওঁ কয়, যে শ্রীধনখড়ে তেওঁৰ কার্যকালত যথেষ্ট অভিজ্ঞতা অৰ্জন কৰিছে। শ্রীধনখড়ে সংসদৰ সদস্যসকলৰ পৰা পোৱা সমর্থন, বিশ্বাস আৰু স্নেহ সহায় মনত ৰাখিব বুলিও উল্লেখ কৰে। ভাৰতৰ দৰে বৃহৎ গণতন্ত্ৰৰ এখন দেশত উপ-ৰাষ্ট্ৰপতি হিচাপে লাভ কৰা অমূল্য অভিজ্ঞতাৰ বাবে শ্ৰীধনখড়ে সকলোৰে প্ৰতি গভীৰ কৃতজ্ঞতা জ্ঞাপন কৰে। তেওঁ লগতে কয়, যে ভাৰতৰ অৰ্থনৈতিক অগ্ৰগতি আৰু উন্নয়নৰ সাক্ষী হ’বলৈ পোৱাতো তেওঁৰ বাবে সন্তুষ্টিৰ কাৰণ।