তাৰকা খেলুৱৈ ন’ভাক জ’ক’ভিচে আমেৰিকা যুক্তৰাষ্ট্ৰৰ জাচাৰী স্বাজডাক পোনপটীয়া ছেটত পৰাস্ত কৰি ইউ অপেন টেনিছ প্রতিযোগিতাৰ পুৰুষৰ ছিংগলছত আধিপত্য অব্যাহত ৰাখিছে। ছাৰ্বিয়াৰ খেলুৱৈগৰাকীয়ে স্বাজডাৰ বিৰুদ্ধে ৬-৩, ৬-৩, ৬-১ ফলাফলত বিজয় অৰ্জন কৰে। প্ৰতিযোগিতাত কিছু সময়ৰ পূৰ্বে আৰ্থাৰ এছ ষ্টেডিয়ামত অনুষ্ঠিত এখন গুৰুত্বপূৰ্ণ খেলত স্পেইনৰ কাৰ্লোৰ্ছ এলকাৰাজে ইটালীৰ মাটিয়া বেলুচীক ৬-১, ৬-০, ৬-৩ ফলাফলত পৰাস্ত কৰে।
ইপিনে প্রতিযোগিতাৰ মহিলাৰ ছিংগলছত জাপানৰ নাওমী ওছাকাই বেলজিয়ামৰ গ্ৰীট মিনেনক ৬-৩, ৬-৪ পোনপটীয়া ফলাফলত পৰাস্ত কৰি পৰৱৰ্তী ৰাউণ্ডলৈ অগ্ৰসৰ হৈছে। মহিলাৰ ছিংগলছৰ আন এখন খেলত ৰাছিয়াৰ মিৰা এন্ড্ৰিভাই সতীৰ্থ খেলুৱৈ এনাচটাছিয়া পোটাপ’ভাৰ বিৰুদ্ধে বিজয় অৰ্জন কৰে।