সদৌ অসম ছাত্ৰ সন্থাৰ প্ৰত্যাশা শীৰ্ষক পদক্ষেপৰ অধীনত কেন্দ্ৰীয় লোকসেৱা আয়োগৰ অসামৰিক সেৱাৰ পৰীক্ষাৰ প্ৰস্তুতিৰ বাবে উত্তৰ-পূৰ্বাঞ্চলৰ পৰীক্ষাৰ্থীসকলে আজিৰে পৰা ৪ আগষ্টলৈ www.aasu.org.in ৱেবছাইট যোগে আবেদন কৰিব পাৰিব। আবেদন কৰা পৰীক্ষাৰ্থীসকলৰ অহা ১০ আগষ্টত গুৱাহাটীৰ ৰয়েল গ্ল’বেল বিশ্ববিদ্যালয়ত বাছনি পৰীক্ষা অনুষ্ঠিত হ’ব। বাছনি পৰীক্ষাত উত্তীৰ্ণসকলে মৌখিক পৰীক্ষাত অৱতীৰ্ণ হ’ব লাগিব। ইয়াৰ ভিতৰত অসমৰ পৰা ২৬ গৰাকী পৰীক্ষাৰ্থী বাচি উলিওৱা হ’ব। অসমৰ এই ২৬ গৰাকী পৰীক্ষাৰ্থীৰ লগতে উত্তৰ-পূৰ্বাঞ্চলৰ ১৪ গৰাকী পৰীক্ষাৰ্থীসহ মুঠ ৪০ গৰাকীক নতুন দিল্লীলৈ প্ৰেৰণ কৰা হ’ব। পৰীক্ষাৰ্থীসকলক দিল্লীৰ বচা বচা প্ৰতিষ্ঠানত এই পৰীক্ষাৰ বাবে প্ৰস্তুতিৰ ব্যৱস্থা কৰা হ’ব। পৰীক্ষাৰ্থীসকলক সম্পূর্ণ বিনামূলীয়াকৈ প্ৰস্তুতিৰ ব্যৱস্থা কৰাৰ উপৰি তেওঁলোকক মাহিলী জলপানিও প্রদান কৰা হ’ব।