কেন্দ্ৰীয় চৰকাৰে ৰাজ্যৰ বিদ্ৰোহী সংগঠন আলফা স্বাধীনৰ নিষিদ্ধ ঘোষণাৰ ম্যাদ পুনৰ ৫ বছৰলৈ বৃদ্ধি কৰিছে। গৃহ মন্ত্ৰ্যালয়ে কালি এই সন্দৰ্ভত এখন অধিসূচনা জাৰি কৰিছে। এই অধিসূচনা অনুসৰি বে- আইনী কার্যকলাপ প্ৰতিৰোধ আইনৰ অধীনত কাইলৈৰ পৰা কাৰ্যকৰী হোৱাকৈ সংগঠনটো পুনৰ ৫ বছৰৰ বাবে নিষিদ্ধ সংগঠন হিচাপে পৰিগণিত হ’ব। আলফাক ১৯৯০ চনত প্ৰথমবাৰৰ বাবে নিষিদ্ধ ঘোষণা কৰা হৈছিল আৰু পাছত সময়ে সময়ে ইয়াৰ ম্যাদ বৃদ্ধি কৰি অহা হৈছে।