তিনিচুকীয়া গুইজান নিবাসী সাংবাদিক উত্তম দেৱৰ আজি মৃত্যু হয়। কেইবাটাও ব্যক্তিগত সংবাদ প্রতিষ্ঠানত স্থানীয় সংবাদদাতা হিচাপে কৰ্মৰত প্ৰয়াত দেৱ যোৱা ফেব্ৰুৱাৰীৰ মাহৰ পৰা কৰ্কট ৰোগত আক্ৰান্ত হৈ আছিল। অঞ্চলটোৰ একমাত্ৰ সাংবাদিক হোৱাৰ লগতে গুইজান সমবায় সমিতিৰ হিচাপ পৰীক্ষক হিচাপে কৰ্মৰত সৰবৰহী ব্যক্তিজনৰ মৃত্যুৰ সময়ত বয়স আছিল ৫৫ বছৰ। তেওঁৰ মৃত্যুত চাবুৱা সমষ্টিৰ বিধায়ক পোনাকণ বৰুৱা, জার্নেলিষ্ট ইউনিয়ন আছামৰ উপ-সভাপতি ৰূপম কাকতিকে ধৰি ভালে কেইজন বিশিষ্ট ব্যক্তিয়ে শোক প্রকাশ কৰিছে।