তামুলপুৰৰ বাঙালীপাৰাত একাংশ লোকৰ আক্ৰমণত দুৰ্ঘটনাগ্ৰস্ত বাহনৰ চালকৰ মৃত্যু; দণ্ডাধীশ পৰ্যায়ৰ তদন্তৰ নিৰ্দেশ

যোৱা ২০ আগষ্টত তামুলপুৰ জিলাৰ গোৰেশ্বৰ আৰক্ষী থানাৰ অন্তৰ্গত সুৱাগপুৰ ভৰালী চ'কত এটা দুৰ্ঘটনাক কেন্দ্ৰ কৰি উত্তেজিত গাঁওবাসীৰ আক্ৰমণত অভিষেক দাস নামৰ এজন ২৩ বছৰীয়া যুৱক নিহত হোৱা ঘটনা সম্পৰ্কত তামুলপুৰৰ জিলা দণ্ডাধীশে এটা দণ্ডাধীশ পৰ্যায়ৰ তদন্তৰ নিৰ্দেশ দিছে। জিলা দণ্ডাধীশ পংকজ চক্ৰৱৰ্তীয়ে এই ঘটনা সম্পর্কত সংবাদ মাধ্যমত প্ৰকাশিত বাতৰি আৰু জনসাধাৰণৰ মাজত সৃষ্টি হোৱা ক্ষোভৰ পৰিপ্ৰেক্ষিতত গোৰেশ্বৰৰ চক্র বিষয়া ত্রিলিনা টাইডক পুংখানুপুংখ তদন্ত কৰি শীঘ্ৰেই প্ৰতিবেদন দাখিল কৰিবলৈ নিৰ্দেশ দিছে। উল্ল...