সদ্যপ্ৰয়াত ইৰাণৰ ৰাষ্ট্ৰপতিৰ প্ৰতি সন্মান জনাই সমগ্ৰ দেশত এদিনীয়া ৰাষ্ট্ৰীয় শোক পালন

সদ্যপ্ৰয়াত ইৰাণৰ ৰাষ্ট্ৰপতি ড° ছইদ ইব্রাহিম ৰাইছি আৰু বিদেশ মন্ত্ৰী হুছেইন আমীৰ আব্দুল্লাহিয়ানৰ প্ৰতি সন্মান জনাই সমগ্ৰ দেশতে আজি এদিনীয়া ৰাষ্ট্ৰীয় শোক পালন কৰা হৈছে। সেই অনুসৰি সমগ্ৰ দেশতে নিয়মীয়াকৈ ৰাষ্ট্ৰীয় পতাকা উৰি থকা ভৱনসমূহত ৰাষ্ট্ৰীয় পতাকা অর্ধনমিত কৰি ৰখা হৈছে। লগতে আজিৰ দিনটোত কোনোধৰণৰ আনুষ্ঠানিক মনোৰঞ্জনমূলক কাৰ্যসূচী পালন কৰা নহ'ব বুলি সিদ্ধান্ত গ্ৰহণ কৰা হৈছে। উল্লেখযোগ্য যে ইৰাণৰ ৰাষ্ট্ৰপতি আৰু বিদেশ মন্ত্ৰীয়ে এটা হেলিকপ্তাৰ দুৰ্ঘটনাত প্ৰাণ হেৰুৱাইছে।