আৰ জি কৰ চিকিৎসা মহাবিদ্যালয়ৰ হত্যাৰ ঘটনাত জড়িত থকা অভিযোগত বিৰুপাক্ষা বিশ্বাস আৰু অভিক দেক নিলম্বন

পশ্চিম বংগৰ স্বাস্থ্য আৰু পৰিয়াল কল্যাণ বিভাগে ডাক্তৰ বিৰুপাক্ষা বিশ্বাস আৰু ডাক্তৰ অভিক দেৰ বিৰুদ্ধে ৰাজ্যজুৰি অব্যাহত থকা প্ৰতিবাদলৈ চাই কালি চিকিৎসক দুগৰাকীক নিলম্বন কৰে। কলকাতাৰ আৰ জি কৰ চিকিৎসা মহাবিদ্যালয় হাস্পতালত এগৰাকী চিকিৎসকৰ ধৰ্ষণ আৰু হত্যাৰ ঘটনাৰ পাছত চিকিৎসক দুগৰাকীৰ নাম পোহৰলৈ আহিছিল। তেওঁলোকে দীৰ্ঘদিন ধৰি ৰাজ্যখনৰ বিভিন্ন চিকিৎসা মহাবিদ্যালয়ৰ কনিষ্ঠ চিকিৎসক আৰু শিক্ষক-শিক্ষয়িত্ৰীক ভাবুকি প্ৰদান কৰি অহা বুলি অভিযোগ উঠিছিল।