যি একতা আৰু ত্যাগৰ সংগ্ৰামেৰে দেশবাসীয়ে স্বাধীনতা পালে সেই একেই সংকল্পৰে দেশে আগবাঢ়ে তেন্তে ২০৪৭ চনত বিকশিত ভাৰতৰ সপোন বাস্তৱত পৰিণত হ’বঃ প্রধানমন্ত্ৰী নৰেন্দ্ৰ মোদী

প্রধানমন্ত্ৰী নৰেন্দ্ৰ মোদীয়ে দেশবাসীলৈ ৭৮ সংখ্যক স্বাধীনতা দিৱসৰ শুভেচ্ছা জনাইছে। নতুন দিল্লীৰ লালকিল্লাত ৰাষ্ট্ৰীয় পতাকা উত্তোলন কৰি প্ৰধানমন্ত্ৰীগৰাকীয়ে স্বাধীনতা দিৱসৰ এই শুভক্ষণত স্বাধীনতাৰ বাবে প্ৰাণ আহুতি দিয়া আৰু আজীৱন সংঘৰ্ষ কৰা প্ৰতিজন স্বাধীনতা সংগ্ৰামীক স্মৰণ কৰে। শ্ৰী মোদীয়ে ভাষণ প্ৰসংগত কয় যে, দেশৰক্ষা তথা দেশ নিৰ্মাণ কৰা প্ৰতিজন কৃষক, জোৱান, যুৱক-যুৱতী, মহিলা, শোষিত আৰু বঞ্চিত বৰ্গৰ দেশৰ প্ৰতি নিষ্ঠা বিশ্বৰ বাবে প্ৰেৰণাৰ বিষয়। তেওঁ লগতে কয় যে, স্বাধীনতাৰ পূৰ্বৰ সময়ছোৱা সং...