May 28, 2024 1:00 PM
15
দলীয় প্ৰাৰ্থীৰ হৈ নিৰ্বাচনী প্ৰচাৰৰ বাবে প্ৰধানমন্ত্ৰী আজি কলকাতালৈ ৰাওনা
জ্যেষ্ঠ বিজেপি নেতা তথা প্ৰধানমন্ত্ৰী নৰেন্দ্ৰ মোদী আজি কলকাতালৈ যাব। তাত তেওঁ বাৰাছাট, যাদৱপুৰ আৰু উত্তৰ কলকাতা লোকসভা সমষ্টিত দলীয় প্ৰাৰ্থীৰ হৈ নিৰ্বাচনী প্ৰচাৰত অংশ ল'ব। প্রধানমন্ত্ৰীগৰাকীয়ে আজি বিয়লি বাৰাছাট সংসদীয় সমষ্টিত এখন জনসভাক সম্বোধন কৰিব। ইয়াৰ পাছত তেওঁ যাদৱপুৰত আন এখন সভাত অংশগ্রহণ কৰাৰ উপৰি উত্তৰ কলকাতা লোকসভা সমষ্টিত এটা ৰোড শ্ব’ত ভাগ ল'ব। শ্যামবজাৰৰ পৰা আৰম্ভ হ'বলগীয়া এই ৰোড শ্বৰ স্বামী বিবেকানন্দনৰ পৈত্ৰিক গৃহৰ সমীপত অন্ত পৰিব।
