ওড়িশাৰ বিশিষ্ট লোককলা শিল্পী পদ্মশ্ৰী মাগুণী চৰণ কৌৰৰ কেয়নঝাৰৰ নিজা বাসভৱনত মৃত্যু

ওড়িশাৰ বিশিষ্ট লোককলা শিল্পী পদ্মশ্ৰী মাগুণী চৰণ কৌৰৰ আজি পুৱা কেয়নঝাৰৰ নিজা বাসভৱনত মৃত্যু হয়। মৃত্যুমুখী পুতলা শিল্প আৰু পৰম্পৰাগত পুতলা নাচৰ উত্থান আৰু সংৰক্ষণৰ দিশত জীৱনযোৰা সাধনাৰ বাবে বিগত বৰ্ষত ৰাষ্ট্ৰপতি শ্ৰীমতী দ্রৌপদী মুৰ্মুৱে শিল্পীগৰাকীক পদ্মশ্ৰী সন্মান প্ৰদান কৰিছিল। মৃত্যুৰ সময়ত তেখেতৰ বয়স আছিল ৮৮ বছৰ। ৰাষ্ট্ৰপতি শ্ৰীমতী দ্রৌপদী মুৰ্মুৱে পদ্মশ্ৰী মগুণী চৰণ কৌৰৰ মৃত্যুত গভীৰ শোক প্ৰকাশ কৰিছে।