October 25, 2025 12:03 PM October 25, 2025 12:03 PM

views 10

নলবাৰীত আজিৰে পৰা ২৫ সংখ্যক কেন্দ্রীয় অংকীয়া নাট সমাৰোহ

শ্ৰীমন্ত শংকৰদেৱ সংঘৰ সাংস্কৃতিক শাখা সমিতিৰ উদ্যোগত আৰু নলবাৰী জিলা শাখাৰ সহযোগত আজিৰে পৰা ২৫ সংখ্যক কেন্দ্রীয় অংকীয়া নাট সমাৰোহ অনুষ্ঠিত হ'ব। নলবাৰী নগৰৰ সমীপৰ মাজদিয়াত অৱস্থিত জিলা শাখাৰ নামঘৰত ইতিমধ্যে এই নাট সমাৰোহৰ প্রস্তুতি সম্পূর্ণ হৈ উঠিছে। শ্ৰীমন্ত শংকৰদেৱ সংঘৰ পদাধিকাৰ ভবেন্দ্র নাথ ডেকাই এই নাট সমাৰোহৰ পতাকা উত্তোলন কার্যসূচীত অংশ ল'ব। সন্ধিয়া পাঁচ বজাত এই নাট সমাৰোহৰ কাৰ্যসূচী শংকৰ সংঘৰ প্ৰধান সম্পাদক কুশল ঠাকুৰীয়াই উদ্বোধন কৰিব।

February 6, 2025 6:45 PM February 6, 2025 6:45 PM

views 4

সৰুপেটাত কাইলৈৰ পৰা তিনিদিনীয়া কাৰ্যসূচীৰে দ্বিতীয় ৰাষ্ট্ৰীয় নাট সমাৰোহ

বজালী জিলাৰ সৰুপেটাত কাইলৈৰ পৰা তিনিদিনীয়া কাৰ্যসূচীৰে দ্বিতীয় ৰাষ্ট্ৰীয় নাট সমাৰোহৰ আয়োজন কৰা হৈছে। ইয়াৰ বাবে যাৱতীয় প্ৰস্তুতি সম্পূৰ্ণ হৈ উঠিছে বুলি উদ্যোক্তাসকলে প্ৰকাশ কৰিছে। এই নাট সমাৰোহত অসমীয়া, হিন্দী আৰু বাংলা ভাষাৰ ৫ খনকৈ নাটক মঞ্চস্থ হ'ব। সমাৰোহত নাট্যকাৰ হিল্লোল কুমাৰ পাঠকৰ নাট ‘শংকৰ গুৰু আমাৰে’, মৃণ্ময় ভূঞাৰ ‘দ্রোণাচার্য শ্ৰী গুৰুৱে নমঃ’, অৰ্ঘ দে’ৰ বাংলা ভাষাত ৰচিত নাট ‘যত্নে ৰেখো’, হবিব তনবিৰৰ ‘চৰণ দাস চোৰ’ আৰু সুধাংশু ফিদোছৰ হিন্দী ভাষাত ৰচিত ‘কথা নাট' মঞ্চস্থ কৰা হ'ব।