মধ্যপ্রদেশত লোকসভা নিৰ্বাচনৰ বাবে তাৰকা প্ৰচাৰকসকলৰ প্ৰচাৰ অভিযান অব্যাহত, বালাঘাটত আজি প্ৰধানমন্ত্ৰীৰ নিৰ্বাচনী সভা

মধ্যপ্রদেশত সমাগত লোকসভা নিৰ্বাচনৰ প্ৰথম আৰু দ্বিতীয় পৰ্যায়ৰ বাবে তাৰকা প্ৰচাৰকসকলে জোৰদাৰ প্ৰচাৰ অভিযান অব্যাহত ৰাখিছে। প্রধানমন্ত্রী নৰেন্দ্ৰ মোদীয়ে আজি ৰাজ্যখনৰ বালাঘাটৰ উৎকৃষ্ট ময়দানত এখন নির্বাচনী প্ৰচাৰ সভাত অংশগ্ৰহণ কৰিব। শেহতীয়া তিনিদিনৰ ভিতৰত এয়া হ'ব শ্রীমোদীৰ দ্বিতীয়টো মধ্যপ্রদেশ ভ্রমণ। প্রধানমন্ত্ৰীগৰাকীয়ে যোৱা দেওবাৰে ৰাজ্যখনৰ জবলপুৰত এটা ৰোড শ্ব'ত অংশগ্ৰহণ কৰিছিল। শ্রীমোদীৰ আজিৰ ভ্ৰমণৰ প্ৰতি লক্ষ্য ৰাখি নক্সাল অধ্যূষিত বালাঘাটত সুৰক্ষা ব্যৱস্থা অধিক কটকটীয়া কৰি তোলা হৈছে।