ভালেসংখ্যক গুণমুগ্ধৰ উপস্থিতিত জ্ঞানদা কাকতিৰ নশ্বৰদেহৰ অন্ত্যেষ্টিক্রিয়া সম্পন্ন

যোৱা নিশা দেহাৱসান ঘটা বর্ষীয়ান অভিনেত্রী জ্ঞানদা কাকতিৰ নশ্বৰদেহৰ অন্ত্যেষ্টিক্রিয়া আজি দুপৰীয়াৰ ভাগত শ্বিলঙৰ বৈদ্যুতিক শ্মশানত সম্পন্ন কৰা হয়। ইয়াৰ আগতে তেওঁৰ নশ্বৰদেহৰ প্ৰতি শ্বিলঙৰ লাবানৰ আছাম ক্লাব, লাবান নামঘৰ, অসম চৰকাৰৰ সাংস্কৃতিক বিভাগ আৰু অসমৰ মুখ্যমন্ত্ৰীৰ ফালৰ পৰা পুষ্পার্ঘ্য নিবেদন কৰা হয়। অন্ত্যেষ্টিক্ৰিয়াত তেওঁৰ একমাত্ৰ জীয়ৰী আৰু শিল্পীগৰাকীৰ কিছুসংখ্যক গুণমুগ্ধ উপস্থিত আছিল। আমাৰ আগৰ বাতৰিতে কোৱা হৈছে যে যোৱা কিছুদিন ধৰি বাৰ্ধক্যজনিত ৰোগত ভূগি থকা অভিনেত্ৰীগৰাকীৰ যোৱানিশা...