ফ্ৰান্সৰ প্ৰযুক্তি কোম্পানী দাছল্টৰ অসমত ২০০ কোটি টকা বিনিয়োগৰ সিদ্ধান্ত

ফ্ৰান্সৰ প্ৰযুক্তি কোম্পানী দাছল্টে অসমত ২০০ কোটি টকা বিনিয়োগৰ সিদ্ধান্ত গ্রহণ কৰিছে। ৰাজ্যৰ প্রযুক্তি আৰু উদ্ভাৱনী প্ৰযুক্তিৰ প্ৰশিক্ষণৰ ক্ষেত্ৰত কোম্পানীটোৱে এই ধনৰাশি বিনিয়োগ কৰিব বুলি মুখ্যমন্ত্রী হিমন্ত বিশ্ব শৰ্মাই প্ৰকাশ কৰিছে। এই প্ৰকল্পত ৰাজ্য চৰকাৰে ৪০ কোটি টকা বৰঙণি আগবঢ়াব। অসম অভিযান্ত্রিক মহাবিদ্যালয়ৰ তত্বাৱধানত এই প্রকল্প ৰূপায়িত হ'ব। এই প্ৰকল্পৰ অধীনত বিমান পৰিবহণ, প্ৰতিৰক্ষা, মহাকাশ আৰু ইলেকট্রনিক ক্ষেত্ৰত ৰাজ্যৰ অভিযান্ত্ৰিক ক্ষেত্ৰৰ শিক্ষাৰ্থীক প্রশিক্ষণ দিব।