May 26, 2024 8:27 PM May 26, 2024 8:27 PM
14
দিল্লীৰ এখন শিশু চিকিৎসালয়ত সংঘটিত শোকাৱহ অগ্নিকাণ্ডৰ ঘটনাৰ তদন্তৰ বাবে মুখ্য সচিবক উপ ৰাজ্যপাল ভি কে ছাক্সেনাৰ নিৰ্দেশ
দিল্লীৰ উপ ৰাজ্যপাল ভি কে ছাক্সেনাই ৰাষ্ট্ৰীয় ৰাজধানীৰ এখন শিশু চিকিৎসালয়ত হোৱা শোকাৱহ অগ্নিকাণ্ডৰ ঘটনাৰ তদন্তৰ বাবে দিল্লীৰ মুখ্য সচিবক নিৰ্দেশ দিছে। শ্ৰীছাক্সেনাই দিল্লীৰ আৰক্ষী আয়ুক্তক সকলো ধৰণৰ প্রয়োজনীয় পদক্ষেপ গ্রহণ কৰিবলৈ নিৰ্দেশ দিছে। তেওঁ লগতে নিহত শিশুসকলৰ পৰিয়ালবৰ্গলৈ সমবেদনা জ্ঞাপন কৰাৰ লগতে সম্ভাব্য সকলো ধৰণৰ সাহায্য প্ৰদান কৰাৰ আশ্বাস প্ৰদান কৰিছে। শ্রীছাক্সেনাই লগতে এই ঘটনাৰ বাবে দোষী সাব্যস্ত হোৱা লোকৰ বিৰুদ্ধে ব্যৱস্থা গ্ৰহণৰ নিশ্চয়তা প্ৰদান কৰিছে।
