বৰপেটা সদৰ থানাত নতুনকৈ গঠিত নাগৰিক সমিতিৰ প্ৰথমখন বৈঠক

মুখ্যমন্ত্ৰী হিমন্ত বিশ্ব শৰ্মাৰ নিৰ্দেশমৰ্মে ৰাজ্যৰ থানাসমূহত থানা পৰ্যায়ৰ নাগৰিক সমিতি নতুনকৈ গঠন কৰা হৈছে। বৰপেটা সদৰ আৰক্ষী থানাতো নতুনকৈ গঠন কৰা নাগৰিক সমিতিৰ প্ৰথমখন বৈঠক কালি অনুষ্ঠিত হয়। বৰপেটা আইন মহাবিদ্যালয়ৰ সভাকক্ষত অনুষ্ঠিত এই বৈঠকত ৰাজ্যত ভয়াৱহভাৱে বৃদ্ধি পোৱা ড্ৰাগছৰ প্ৰচলন, বাল্য বিবাহ, যুৱ উচ্ছৃংখলতা আদি সামাজিক সমস্যাসমূহৰ বিষয়ে আলোচনা কৰা হয়। এই বৈঠকত বৰপেটাৰ বিধায়ক আব্দুৰ ৰহিম আহমেদ, বৰপেটা থানাৰ ভাৰপ্ৰাপ্ত বিষয়াসহ বহুসংখ্যক স্থানীয় লোক উপস্থিত থাকে ।