গোচৰৰ অভিযোগনামা দাখিলৰ ক্ষেত্ৰত অসমক অনুকৰণ কৰিবলৈ উত্তৰ-পূবৰ ৰাজ্যসমূহক গৃহমন্ত্ৰী অমিত শ্বাহৰ আহ্বান

অসম আৰক্ষীয়ে ৬৬ শতাংশ গোচৰৰ অভিযোগনামা নিৰ্ধাৰিত সময়ৰ ভিতৰত দাখিল কৰি প্ৰশংসনীয় উদাহৰণ দাঙি ধৰা বুলি কেন্দ্রীয় গৃহমন্ত্রী অমিত শ্বাহে মত প্ৰকাশ কৰিছে। এই ক্ষেত্ৰত তেওঁ উত্তৰ-পূৰ্বাঞ্চলৰ আন আন ৰাজ্যসমূহকো অসমক অনুকৰণ কৰিবলৈ আহ্বান জনাইছে। গুৱাহাটীত কালি বিয়লি অনুষ্ঠিত উত্তৰ-পূৰ্বাঞ্চলৰ ৰাজ্যসমূহৰ মুখ্যমন্ত্ৰীৰ এখন বৈঠকত অংশগ্ৰহণ কৰি শ্ৰী শ্বাহে কয়, যে দেশত নতুন আইন তিনিখন ১০০ শতাংশ কার্যকৰী হ'লে ৬৬ শতাংশ গোচৰৰ অভিযোগনামা আৰক্ষীয়ে ৬০ৰ পৰা ৯০ দিনৰ ভিতৰত দিব পাৰিব। অসমে ইতিমধ্যে নির্ধাৰিত সময...