ডাউনলোড
মোবাইল এপ
খেলা অডিঅ' সন্ধ্যার খবর
December 26, 2025 8:43 PM
17
কাৰাগাৰত থকা মালয়েছিয়াৰ প্ৰাক্তন প্রধানমন্ত্রী নাজিব ৰাজাকক কোৱালালামপুৰ উচ্চ ন্যায়ালয়ে আজি কেইবাশ কোটিটকীয়া মালয়েছিয়া উন্নয়ন বার্হাড কেলেংকাৰিৰ গোচৰত ক'লা ধন বৈধকৰণ কৰাৰ অভিযোগত দোষী সাব্যস্ত কৰিছে। ৭২ বছৰীয়া প্ৰাক্তন প্ৰধানমন্ত্ৰীগৰাকী ২০২২ বৰ্ষৰ আগষ্টৰ পৰা কাৰাবন্দী হৈ আছে।
December 26, 2025 8:41 PM
23
কেন্দ্রীয় গৃহমন্ত্রী অমিত শ্বাহে মুখ্যমন্ত্ৰী হিমন্ত বিশ্ব শৰ্মাৰ উপস্থিতিত নতুন দিল্লীত আজি অসমৰ ৰাভা, মিছিং আৰু তিৱা জনগোষ্ঠীৰ এটা প্ৰতিনিধি গোটৰ সৈতে বৈঠকত মিলিত হয়। গৃহমন্ত্ৰীগৰাকীয়ে জনগোষ্ঠীকেইটাৰ প্ৰতিনিধিৰ দাবীসমূহ শুনাৰ লগতে প্ৰকৃত সমস্যাসমূহ সমাধানৰ আশ্বাস প্ৰদান কৰে। এই বৈঠকতে গৃহমন্ত্ৰীগৰাকীয়ে জনগোষ্ঠীকেইটাৰ সমস্যা সৌহাদ্যপূর্ণ তথা দীর্ঘম্যাদিভাৱে সমাধান কৰিবৰ বাবে এগৰাকী জ্যেষ্ঠ বিষয়াক নিয়োগ কৰিব বুলি প্ৰকাশ কৰে।
December 26, 2025 8:38 PM
29
পশ্চিম কাৰ্বি আংলংৰ খেৰণিত সংঘটিত ঘটনা সন্দৰ্ভত দিছপুৰত মুখ্যমন্ত্ৰী ড° হিমন্ত বিশ্ব শৰ্মাৰ উপস্থিতিত এখন জৰুৰী বৈঠক অনুষ্ঠিত হয়। বৈঠকত কাৰ্বি জনগোষ্ঠীৰ কেইবাটাও দল সংগঠনৰ প্ৰতিনিধিয়ে ভাগ লয়। বৈঠকখনত ৰাজহ মন্ত্ৰী কেশৱ মহন্ত, অসম আৰক্ষীৰ কেইবাগৰাকীও উচ্চপদস্থ বিষয়াৰ লগতে কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙেও অংশ লয়।
December 26, 2025 8:34 PM
27
৯১ সংখ্যক মাৰোৱাৰী সন্মিলনৰ প্ৰতিষ্ঠা দিৱসৰ সৈতে সংগতি ৰাখি আজি শিৱসাগৰৰ খেমকা মাতৃ সদনত এক বিনামূলীয়া বহুমূত্ৰ পৰীক্ষা শিৱিৰৰ আয়োজন কৰা হয়। মাৰোৱাৰী সন্মিলনৰ উদ্যোগত তথা কেডিয়া মেডিকেলৰ সহযোগত অনুষ্ঠিত এই শিৱিৰত স্থানীয় বহু বহুমূত্ৰ ৰোগীয়ে স্বাস্থ্য পৰীক্ষাৰ সুবিধা গ্ৰহণ কৰে। এই অনুষ্ঠানত কেইবাজনো বিশিষ্ট ব্যক্তিক সম্বৰ্ধনা জনোৱাৰ লগতে নগৰৰ পদপথবাসীসকলৰ মাজত গৰম কাপোৰ বিতৰণৰ ব্যৱস্থা কৰা হয়৷
December 26, 2025 8:32 PM
15
আকাশবাণীৰ সঞ্চালক প্ৰধানৰ নিৰ্দেশমৰ্মে বাতৰি বিভাগে আৰম্ভ কৰা বিশেষ প্রাসঙ্গিক অনুষ্ঠানত আজি বিয়লি ৩ বাজি ৫ মিনিটত প্ৰচাৰ হোৱা মাজুলী জিলাৰ মীন বিভাগৰ দ্বাৰা ৰূপায়িত বিভিন্ন আঁচনি সন্দৰ্ভত জিলাখনৰ মীন বিষয়া ভদ্ৰেশ্বৰ মিলিৰ সৈতে হোৱা এটি সাক্ষাৎকাৰটো নিশা ৯ বাজি ১৫ মিনিটত পুনৰ প্ৰচাৰ কৰা হ'ব। সাক্ষাৎ গ্ৰহণ কৰিছিল আমাৰ মাজুলী জিলাৰ সংবাদদাতা বিকাশ শইকীয়াই।
December 26, 2025 8:23 PM
20
ধেমাজি জিলাৰ গোগামুখৰ বিশিষ্ট সাংবাদিক, লেখক তথা সমাজকর্মী অতুল বৰাৰ আজি ডিব্ৰুগড়ৰ অসম চিকিৎসা মহাবিদ্যালয়ত মৃত্যু হয়। মৃত্যুৰ সময়ত তেওঁৰ বয়স আছিল ৫৪ বছৰ। আমাৰ অসম, দৈনিক জনমভূমি, অসমীয়া প্রতিদিনকে ধৰি বিভিন্ন কাকতত ঘিলামৰাৰ সাংবাদিক হিচাপে তেওঁ সেৱা আগবঢ়া আহিছিল। তেওঁৰ মৃত্যুত ধেমাজি জিলা সাংবাদিক সন্থা আৰু ধেমাজি প্ৰেছ ক্লাবে গভীৰ শোক প্রকাশ কৰিছে।
December 26, 2025 8:20 PM
23
উত্তৰ পশ্চিম যোৰহাটৰ দিল্লী পাব্লিক স্কুলৰ সমীপৰ এটা পুখুৰীত কালি এগৰাকী ব্যক্তিৰ মৃতদেহ উদ্ধাৰ হয়। মৃত লোকজনক মালোপথাৰৰ ৰান্ধনীজান গাঁৱৰ প্ৰসেনজিৎ শইকীয়া বুলি চিনাক্ত কৰা হৈছে। ২২ ডিচেম্বৰৰ দুপৰীয়াৰ পৰা লোকজন সন্ধানহীন হৈ আছিল। তেওঁ মৃতদেহ মৰণোত্তৰ পৰীক্ষাৰ বাবে যোৰহাট চিকিৎসা মহাবিদ্যালয়লৈ প্ৰেৰণ কৰাৰ লগতে আৰক্ষীয়ে এই ঘটনাৰ তদন্ত অব্যাহত ৰাখিছে।
December 26, 2025 9:24 PM
50
ৰাষ্ট্ৰপতি শ্ৰীমতী দ্রৌপদী মুৰ্মুৱে আজি নতুন দিল্লীত বীৰ বাল দিৱস উপলক্ষে প্রধানমন্ত্ৰী ৰাষ্ট্ৰীয় বাল পুৰস্কাৰ প্ৰদান কৰে। চলিত বৰ্ষত ১৮খন ৰাজ্য আৰু কেন্দ্ৰীয় শাসিত অঞ্চলৰ উল্লেখিত সাফল্য প্ৰদৰ্শন কৰা ২০গৰাকী শিশুক এই পুৰস্কাৰ প্ৰদান কৰা হয়। অনুষ্ঠানত ভাষণ প্ৰসঙ্গত ৰাষ্ট্ৰপতিগৰাকীয়ে কয় যে এই বঁটাই বঁটা প্ৰাপকসকলক উৎসাহিত কৰাৰ লগতে সমগ্ৰ দেশৰ শিশুসকলক অনুপ্ৰাণিত কৰে। ৰাষ্ট্ৰপতি শ্রীমতী মুৰ্মুৱে কয় যে বঁটাপ্রাপ্ত শিশুসকলে সাহসিকতা, কলা আৰু সংস্কৃতি, পৰিবেশ, উদ্ভাৱন আৰু বিজ্ঞান আৰু প্ৰযুক্তিৰ...
December 26, 2025 8:15 PM
32
কেন্দ্ৰীয় গ্রামোন্নয়ন মন্ত্ৰী শিৱৰাজ সিং চৌহানে কৈছে যে ২০৪৭ চনৰ বিকশিত ভাৰতৰ লক্ষ্যক বাস্তৱায়িত কৰাৰ বাবে বিকশিত ভাৰত জি ৰাম জী আঁচনিৰ অধীনত দেশৰ গ্ৰামাঞ্চলত উন্নয়নমূলক কাম-কাজ অব্যাহত আছে। ডী ডী নিউজৰ সৈতে হোৱা এটা সাক্ষাৎকাৰত শ্ৰীচৌহানে কয় যে এই আঁচনিৰ অধীনত গ্ৰামাঞ্চলৰ লোকৰ নিয়োগ নিশ্চিতৰ মজুৰি ১০০ৰ পৰা ১২৫ দিনলৈ বৃদ্ধি কৰা হৈছে। মন্ত্ৰীগৰাকীয়ে লগতে কয় যে নতুন প্ৰৱৰ্তন কৰা বিকশিত ভাৰত জি ৰাম জী আইনৰ অধীনত আবেদনৰ ১৫ দিনৰ ভিতৰত কাম নাপালে নিবনুৱা ভাট্টা বাধ্যতামূলক কৰা হৈছে। তেওঁ লগতে ...
December 26, 2025 8:13 PM
35
প্রধানমন্ত্ৰী নৰেন্দ্ৰ মোদীয়ে ৰাষ্ট্ৰপতি শ্ৰীমতী দ্রৌপদী মুৰ্মুৱে চাওতালী ভাষাৰ সংবিধানৰ সংস্কৰণ উন্মোচন কৰাৰ বিষয়ক প্ৰশংসা কৰিছে। সামাজিক মাধ্যমৰ এটা বাৰ্তাত শ্রীমোদীয়ে কয় যে ইয়াৰ ফলত সংবিধানৰ প্ৰতি অধিক সজাগতা বৃদ্ধি কৰাৰ লগতে জনসাধাৰণৰ গণতান্ত্রিক প্রক্রিয়াত অংশগ্ৰহণত সহায়ক হ'ব। শ্রীমোদীয়ে লগতে কয় যে দেশৰ প্ৰগতিৰ বাবে চাওতালী লোকৰ অৱদান আৰু চাওতালী সংস্কৃতিক লৈ দেশ অতি গৌৰৱান্বিত।
গোপনীয়তা নীতি | কপিৰাইট © 2026 নিউজ অন আইআৰ। সকলো অধিকাৰ সংৰক্ষিত
শেষ আপডেট কৰা হৈছে: 13th May 2026
