কৃষি আৰু কৃষক কল্যাণ মন্ত্ৰী শিৱৰাজ সিং চৌহানে বহনক্ষম আৰু লাভজনক কৃষি তথা সকলোৰে বাবে খাদ্য সুৰক্ষা সুনিশ্চিত কৰিবলৈ চৰকাৰ বদ্ধপৰিকৰ বুলি প্ৰকাশ কৰিছে। নতুন দিল্লীত অনুষ্ঠিত গোলকীয় ভূমি সন্মিলন ২০২৪ সম্বোধন কৰি মন্ত্ৰীগৰাকীয়ে আজি এইদৰে মন্তব্য প্ৰকাশ কৰে। শ্ৰী চৌহানে কয়, যে ভূমি স্বাস্থ্য সম্প্রতি গোলকীয় চিন্তাৰ বিষয় হৈ পৰিছে। তেওঁ কয়, যে প্রায় ৩০ শতাংশ ভূমিৰ মান অৱনমিত হৈছে আৰু অতিমাত্রা ৰসায়নিক সাৰৰ ব্যবহাৰৰ ববে ভূমিৰ ক্ষতি-সাধন হৈছে। চৰকাৰে দেশত জৈৱিক কৃষিৰ প্ৰসাৰৰ বাবে কাম কৰি আছে বুলি মন্ত্ৰীগৰাকীয়ে প্ৰকাশ কৰে। তেওঁ কয়, যে ছাত্ৰী আৰু গৱেষকসকল স্থানীয় আৰু গোলকীয় পৰ্যায়ৰ ভূমি প্ৰত্যাহ্বান দূৰ কৰিব পৰা উদ্ভাৱন বিকশাই তোলাত অগ্রণী ভূমিকা পালন কৰা উচিত। তেওঁ লগতে শিক্ষা, উৎসাহ আৰু আধুনিক বৈজ্ঞানিক তথ্যৰ মাধ্যমেৰে খেতিয়কসকলক সবল কৰি তুলিবলৈ আহ্বান জনায়।