১৯ বছৰ অনূৰ্ধ্ব ছাফ ফুটবল চেম্পিয়নশ্বিপত ভাৰতে গ্ৰুপ বিৰ শীৰ্ষস্থান দখল কৰিছে। প্ৰতিযোগিতাত ভাৰতে কালি অৰুণাচল প্ৰদেশৰ য়ুপিয়াত অনুষ্ঠিত এখন খেলত নেপালক ৪-০ গ’লত পৰাস্ত কৰে। ভাৰতৰ হৈ ৰোহেন সিং ছাপামায়ুমে দুটা আৰু ওমাং ড’ডুম তথা ডেনী মেইটেয়ে এটাকৈ গ’ল কৰে । এই জয়ৰ সুবাদত ভাৰতে নিজৰ দুখন খেলৰ পৰা ৬ পইণ্ট আৰু ১২ গ’লৰ ব্যৱধানৰ জৰিয়তে গ্রুপ পৰ্যায়ৰ খেল সামৰিছে। ছেমি ফাইনেলত অহা শুকুৰবাৰে দলটোৱে গ্ৰুপ এৰ ৰানাৰ্ছআপ মালদ্বীপৰ বিৰুদ্ধে আৰু নেপালে গ্ৰুপ এৰ শীৰ্ষস্থানপ্রাপ্ত বাংলাদেশৰ বিৰুদ্ধে অৱতীৰ্ণ হ’ব।