পথ পৰিবহন আৰু ঘাইপথ মন্ত্রালয়ে প্রকাশ এটা প্ৰতিবেদন অনুসৰি অসমত বছৰি গড়ে সাত হাজাৰটা পথ দুৰ্ঘটনাত তিনি হাজাৰ ব্যক্তিৰ প্রাণহানি হয়। প্ৰতিবেদনত প্ৰকাশ পোৱা অনুসৰি ২০১৯ৰ পৰা ২০২৩ বৰ্ষলৈ ৰাজ্যত মুঠ ৩৪ হাজাৰ ৮২০ টা পথ দুৰ্ঘটনাত ১৫ হাজাৰ ১৬৩ গৰাকী ব্যক্তিয়ে প্ৰাণ হেৰুৱাইছে। দুৰ্ঘটনাত অধিকাংশই দুচকীয়া বাহনৰ সংঘৰ্ষৰ ফলত নিহত হৈছে। এই পথ দুৰ্ঘটনাসমূহৰ অধিকাংশই দ্রুত গতি, বিপৰীত দিশত চলাচল, বিসংগতিপূৰ্ণ পথ নিৰ্মাণ আৰু জৰাজীৰ্ণ পথৰ বাবে সংঘটিত হয়। এই পথ দুৰ্ঘটনা ৰোধ কৰিবৰ বাবে মন্ত্ৰ্যালয়ৰ তৰফৰ পৰা শিক্ষা, পথ নিৰ্মাণৰ কাৰিকৰী দিশ, জৰুৰীকালীন সেৱা আদিৰ উন্নীতকৰণৰ দিশত বিশেষ গুৰুত্ব আৰোপ কৰা হৈছে বুলি প্ৰতিবেদনত উল্লেখ কৰা হৈছে।