ৰাজ্যসভাত খালী হোৱা অসমৰ দুখন আসনৰ বাবে বিজেপিৰ প্রার্থী প্রাক্তন কেন্দ্রীয় মন্ত্রী ৰামেশ্বৰ তেলী আৰু প্রাক্তন বিধায়ক মিছন ৰঞ্জন দাসে আজি মনোনয়ন পত্র দাখিল কৰে। প্রার্থী দুগৰাকীৰ মনোনয়ন-পত্র দাখিলৰ সময়ত অসম ৰাজ্যিক বিজেপিৰ সভাপতি ভৱেশ কলিতা, মুখ্যমন্ত্ৰী হিমন্ত বিশ্ৱ শৰ্মা, কেন্দ্রীয় মন্ত্রী সর্বানন্দ সোণোৱাল, ৰাজ্যৰ কেইবাগৰাকীও মন্ত্রী, বিধায়ক তথা শাসকীয় মিত্রজোঁটৰ কেইবাগৰাকীও জ্যেষ্ঠ নেতা উপস্থিত থাকে। উল্লেখযোগ্য যে অসমৰ ৰাজ্যসভাৰ মিত্রজোঁটৰ প্রার্থী সন্দৰ্ভত আলোচনাৰ বাবে কালি নতুন দিল্লীত কেন্দ্রীয় নেতৃত্বৰ সৈতে অসম ৰাজ্যিক বিজেপিৰ সভাপতি ভৱেশ কলিতা আৰু মুখ্যমন্ত্রী হিমন্ত বিশ্ব শৰ্মাৰ এখন গুৰুত্বপূর্ণ বৈঠক অনুষ্ঠিত হয়। উল্লেখযোগ্য যে সাম্প্রতিক ৰাজনৈতিক প্রেক্ষাপটত বিজেপিৰ হৈ প্রার্থিত্ব আগবঢ়োৱা দুয়োগৰাকী প্রতিনিধি বিনাপ্রতিদ্বন্দ্বিতাৰে নির্বাচিত হোৱাটো প্রায় নিশ্চিত হৈ পৰিছে।