আজি আৰক্ষী স্মৃতি দিৱস। এই উপলক্ষে গৃহমন্ত্রী অমিত শ্বাহে নতুন দিল্লীৰ ৰাষ্ট্ৰীয় পুলিচ স্মাৰকত শ্রদ্ধাঞ্জলি জ্ঞাপন কৰে। দেশৰ আৰক্ষী জোৱানসকলৰ বলিদানক স্মৰণ কৰি শ্ৰী শ্বাহে কয় যে, যোৱা দশকত আমাৰ বীৰ জোৱানসকলৰ প্ৰচেষ্টাত জম্মু-কাশ্মীৰ, উত্তৰ-পূব আৰু বাওপন্থী উগ্ৰবাদৰ দ্বাৰা প্ৰভাৱিত হোৱা অঞ্চলসমূহত শান্তি বিৰাজ কৰিছে। তেওঁ কয় যে, যোৱা এটা বছৰত ২১৬ গৰাকী আৰক্ষী জোৱানে দেশৰ বাবে বলিদান দিছে।