ডাউনলোড
মোবাইল এপ

android apple
signal

August 28, 2025 11:59 AM | PM Modi

printer

ভাৰত আৰু জাপানৰ পঞ্চদশ বাৰ্ষিক সন্মিলনত ভাগ লোৱাৰ উদ্দেশ্যে প্রধানমন্ত্ৰী আজি জাপানলৈ ৰাওনা

ভাৰত আৰু জাপানৰ পঞ্চদশ বাৰ্ষিক সন্মিলনত ভাগ লোৱাৰ উদ্দেশ্যে প্রধানমন্ত্ৰী নৰেন্দ্ৰ মোদীয়ে আজি বিয়লি জাপানলৈ ৰাওনা হ’ব। এয়া হব শ্রীমোদীৰ অষ্টম জাপান ভ্রমণ। জাপানৰ প্ৰধানমন্ত্ৰী হিচাপে চিগেৰু ইশ্বিবাই কাৰ্যভাৰ গ্ৰহণ কৰাৰ পাছত এয়া হব উভয় দেশৰ প্ৰথমখন বার্ষিক সন্মিলন। প্রধানমন্ত্ৰীৰ জাপান ভ্রমণ সন্দৰ্ভত বৈদেশিক পৰিক্ৰমা মন্ত্ৰ্যালয়ে এটা বিবৃতিৰ জৰিয়তে কয়, যে দুয়োগৰাকী প্ৰধানমন্ত্ৰীয়ে ভাৰত আৰু জাপানৰ বিশেষ কৌশলগত তথা গোলকীয় সহযোগিতাৰ পৰ্যালোচনা কৰিব। নেতা দুয়োগৰাকীয়ে প্ৰতিৰক্ষা আৰু নিৰাপত্তা, বাণিজ্য আৰু অৰ্থনীতি, প্ৰযুক্তি আৰু উদ্ভাৱন আৰু দেশ দুখনৰ জনসাধাৰণৰ মাজৰ সম্পৰ্কৰো পৰ্যালোচনা কৰিব বুলি বিবৃতিটোত প্ৰকাশ কৰা হৈছে। ভ্ৰমণকালত শ্রীমোদীয়ে জাপানৰ প্ৰধানমন্ত্ৰীগৰাকীৰ সৈতে আঞ্চলিক আৰু আন্তঃৰাষ্ট্ৰীয় বিভিন্ন বিষয় সন্দৰ্ভতো আলোচনাত মিলিত হ’ব। এই ভ্রমণে দুয়োখন দেশৰ মাজত থকা দীৰ্ঘদিনীয়া বন্ধুত্বৰ বান্ধোনক পুনৰ সুদৃঢ় কৰিব বুলি আশা কৰা হৈছে ৷

ভ্ৰমণৰ দ্বিতীয় পৰ্যায়ত শ্ৰীমোদীয়ে চীনৰ প্ৰধানমন্ত্রী শ্বি জিনপিঙৰ আমন্ত্রণমৰ্মে টিয়ানজিনত ৩১ আগষ্ট আৰু পহিলা ছেপ্তেম্বৰত হবলগীয়া ছাংহাই সহযোগিতা সংস্থাৰ সন্মিলনত ভাগ লবলৈ চীনলৈ ৰাওনা হব। এই সন্মিলনৰ আপাহতে শ্রীমোদীয়ে সন্মিলনত অংশগ্ৰহণ কৰা বিভিন্ন নেতাৰ সৈতে দ্বিপাক্ষিক বৈঠকত অংশ ল’ব। উল্লেখযোগ্য যে ২০১৭ চনৰ পৰা ভাৰত ছাংহাই সহযোগিতা সংস্থাৰ সদস্য ৰাষ্ট্ৰ হিচাপে আছে।

প্রধানমন্ত্ৰীৰ এই ভ্রমণে উভয় দেশৰ মাজত থকা সহযোগিতাৰ নতুন দুৱাৰ মুকলি কৰিব বুলি জাপানত থকা ভাৰতীয় ৰাষ্ট্রদূত চি বি জর্জে মন্তব্য কৰে।

অধিক পঢ়ক

সকলো চাওক

কোনো পোষ্ট পোৱা নগ'ল।