নিউজিলেণ্ডৰ উপ-প্রধানমন্ত্রী তথা বৈদেশিক মন্ত্রী উইনষ্টন পিটাৰ্ছে শেহতীয়াকৈ পহালগামত সংঘটিত সন্ত্রাসবাদী আক্রমণক গৰিহণা জনাইছে আৰু নিউজিলেণ্ড, ভাৰতৰ জনসাধাৰণৰ সৈতে আছে বুলি মত প্ৰকাশ কৰিছে। ভাৰত ভ্ৰমণৰত পিটাৰ্ছে বৈদেশিক পৰিক্ৰমা মন্ত্ৰী ড° এছ জয়শংকৰৰ সৈতে দ্বিপাক্ষিক আলোচনাত মিলিত হয়। এই আলোচনাত বাণিজ্য আৰু অৰ্থনীতি, প্ৰতিৰক্ষা আৰু নিৰাপত্তা, পৰম্পৰাগত চিকিৎসা, ক্রীড়া, শিক্ষা আৰু জনসম্পর্ককে ধৰি বিভিন্ন দিশত দেশদুখনৰ দ্বিপাক্ষিক সম্পর্কই স্থান লাভ কৰে। দুয়োপক্ষই পাৰস্পৰিক স্বার্থজডিত আঞ্চলিক আৰু গোলকীয় বিষয় সন্দৰ্ভতো মত বিনিময় কৰে। বৈদেশিক পৰিক্ৰমা মন্ত্ৰালয়ে বিবৃতিযোগে কয় যে বিভিন্ন খণ্ডত ক্রমবর্ধমান সহযোগিতা আৰু গণতান্ত্রিক মূল্যবোধেৰে ভাৰত আৰু নিউজিলেণ্ডৰ মাজত গভীৰ বন্ধুত্বপূৰ্ণ সম্পর্ক আছে।