যুৱ পৰিক্ৰমা মন্ত্ৰালয়ৰ মাই ভাৰত পদক্ষেপৰ অধীনত জ্ঞান বিনিময়, সামর্থ্য নিৰ্মাণ আৰু যুৱ নেতৃত্বৰ বিকাশত সহযোগিতা আগবঢ়োৱাৰ উদ্দেশ্যে স্কুল অব আল্টিমেট লীডাৰশ্বিপ ফাউণ্ডেশ্যনৰ সৈতে আজি এখন বুজিবুজিৰ চুক্তি স্বাক্ষৰ কৰা হৈছে। অহা মাহৰ পৰা এই বুজাবুজিৰ চুক্তি কাৰ্যকৰী হ’ব। ইয়াৰ জৰিয়তে সমগ্ৰ দেশৰ ১৮ৰ পৰা ২৯ বছৰ বয়সৰ যুৱক-যুৱতীৰ মাজৰ পৰা ১ লাখ যুৱ নেতা সৃষ্টি কৰা হ’ব। এই যুৱ নেতাসকলক প্ৰশাসনৰ যুটীয়া কাৰ্যসূচী, ৰাজহুৱা নীতি, সামাজিক উদ্যমিতা, ডিজিটেল সাক্ষৰতা, বিত্তীয় সাক্ষৰতা আদিৰ জৰিয়তে নিৰ্বাচিত কৰা হ’ব। এই বুজাবুজি চুক্তিৰ অধীনতে নিৰ্বাচিত যুৱ নেতাসকলৰ দক্ষতা বিকাশৰ বাবে অনলাইন কাৰ্যসূচী ৰূপায়ণ কৰা হ’ব।