বিশিষ্ট শিক্ষাবিদ, সাহিত্যিক, গীতিকাৰ, সুৰকাৰ তথা সংগীতশিল্পী ড০ লক্ষহীৰা দাসৰ আজি নৱগ্ৰহ শ্মশানত ৰাজ্যিক মর্যাদাৰে শেষকৃত্য সম্পন্ন হয়। শেষকৃত্য অনুষ্ঠানত শিল্পীগৰাকীৰ ভালেসংখ্যক গুণমুগ্ধৰ লগতে সদৌ অসম ছাত্ৰ সন্থাৰ মুখ্য উপদেষ্টা ড° সমুজ্জ্বল কুমাৰ ভট্টাচার্যও উপস্থিত থাকে। শ্মশানলৈ নিয়াৰ পূর্বে আকাশবাণী গুৱাহাটী কেন্দ্ৰৰ গীতিকাৰ, সুৰকাৰ তথা কণ্ঠশিল্পী হিচাপে স্বীকৃতিপ্রাপ্ত ড° লক্ষহীৰা দাসৰ নশ্বৰদেহ আকাশবাণী গুৱাহাটী কেন্দ্ৰলৈ অনা হয়। কেন্দ্ৰটোৰ বাতৰি বিভাগৰ মুৰব্বী ৰাজীৱ লোচন বৰঠাকুৰৰ লগতে বিষয়া-কৰ্মচাৰীসকলে শিল্পীগৰাকীক শ্রদ্ধা জ্ঞাপন কৰে। লক্ষহীৰা দাসক শ্ৰদ্ধা জনোৱাৰ উদ্দেশ্যে আজি আকাশবাণী কেন্দ্ৰত কণ্ঠশিল্পী মনীষা হাজৰিকা, মালবিকা বৰা, শান্তা উজীৰ আৰু অভিনেত্ৰী ৰুণু দেৱীও উপস্থিত থাকে।