মেডিন পূর্ণিমা পয়া দিৱস উপলক্ষে কলম্বোত থকা ভাৰতীয় উচ্চায়ুক্তই আজি সিংহলী ভাষালৈ অনুবাদ কৰা ৫০০ খন অমৰ চিত্ৰকথা জাতকৰ সাধু ছাত্ৰ-ছাত্ৰীসকলৰ মাজত বিতৰণ কৰে। এই চিত্রকথাসমূহ শ্রী পাগংনাথিছা ধৰ্ম বিদ্যালয়ৰ ছাত্ৰ-ছাত্ৰীসকলৰ মাজত বিতৰণ কৰা হয়। উল্লেখযোগ্য যে, অনুবাদিত এই চিত্রকথাসমূহৰ জৰিয়তে বুদ্ধৰ বাণী যুৱ প্ৰজন্মৰ মাজত প্ৰচাৰৰ চেষ্টা কৰা হৈছে। কাহিনীসমূহৰ জৰিয়তে শিক্ষাৰ্থীসকলৰ মনত মানৱীয় প্ৰমূল্যবোধ জগাই তুলিবলৈ উৎসাহিত কৰা হৈছে। স্বামী বিবেকানন্দ সাংস্কৃতিক কেন্দ্ৰৰ সঞ্চালক অধ্যাপক অংকুৰণ দত্তই প্রতীকীভাৱে এই চিত্রকথাসমূহ অৰ্পণ কৰিছে। এই প্ৰচেষ্টাই ভাৰত আৰু শ্ৰীলংকাৰ মাজত সাংস্কৃতিক সম্পর্ক সুদৃঢ় কৰাৰ লগতে বৌদ্ধ ঐতিহ্যৰ প্ৰচাৰতো বিশেষ সহায় কৰিব। ভাৰতৰ উচ্চায়ুক্তই কয়, যে শ্ৰীলংকাৰ বিদ্যালয়সমূহত প্ৰতি দেওবাৰে জাতকৰ সাধু-কিতাপ বিতৰণ কৰা হ’ব, যাতে শিক্ষাৰ্থীসকলে বুদ্ধদেৱৰ বাণীসমূহৰ সৈতে গভীৰ সংযোগ স্থাপন কৰিব পাৰে।