যোৰহাট জিলাৰ পথ নিৰাপত্তা সম্পৰ্কীয় এক বিশেষ জনসজাগতা অনুষ্ঠান আজি সম্পন্ন হয়। গৌৰীকিৰণ ফাউণ্ডেচনৰ উদ্যোগত, যোৰহাট জিলা প্ৰশাসন আৰু আইন সেৱা প্ৰাধিকৰণৰ সহযোগত অনুষ্ঠিত সভাখনৰ বন্তি প্ৰজ্বলনৰ পাছতে জি কে ফাউণ্ডেশ্যনৰ হৈ জয়ন্ত কুমাৰ বৰঠাকুৰে আদৰণি ভাষণ আগবঢ়ায়। পাৰ্থিৱজ্যোতি শ‍ইকীয়াই মূল ভাষণ আগবঢ়োৱা অনুষ্ঠানত যোৰহাট জিলা উপায়ুক্ত পুলক মহন্তই “পথ সুৰক্ষাৰ ওপৰত প্রশাসনিক পদক্ষেপ”ৰ ওপৰত মন্তব্য প্ৰকাশ কৰে। একে অনুষ্ঠানতে যোৰহাট আৰু জিলা আইন সেৱা প্ৰাধিকৰণৰ জিলা ন্যায়াধীশ প্রাঞ্জল দাসে ‘পথ সুৰক্ষা’ৰ ওপৰত মন্তব্য আগবঢ়ায়। অনুষ্ঠানত জিলা আৰক্ষী অধীক্ষকৰ লগতে NHIDCL যোৰহাটৰ জেনেৰেল মেনেজাৰ দেৱেন্দ্ৰ কুমাৰ, ড° বিজয়লক্ষ্মী বৰপুজাৰী, যোৰহাটৰ জিলা পৰিবহণ বিষয়া উৎপল বৰুৱাকে ধৰি কেইবাগৰাকী বিশিষ্ট ব্যক্তি হিচাপে উপস্থিত থাকে। উক্ত অনুষ্ঠানত সমল ব্যক্তি সকলক অসমীয়াৰ স্বাভিমান এখনি গামোচা, এখনি সঁফুৰা আৰু এটি অর্কিড পুলিৰে বিশেষ সম্বৰ্ধনা জ্ঞাপন কৰা হয়।