আই পি এল ক্রিকেট প্রতিযোগিতাৰ চলিত বৰ্ষৰ সংস্কৰণৰ প্লেঅফ পৰ্যায়ৰ খেল কাইলৈৰ পৰা আৰম্ভ হ’ব। কাইলৈ প্ৰথমখন কোৱালিফায়াৰ খেলত ছানৰাইজাৰ্ছ হায়দৰাবাদ-কলকাতা নাইট ৰাইডাৰ্ছৰ বিৰুদ্ধে অৱতীৰ্ণ হ’ব। আহমেদাবাদৰ নৰেন্দ্ৰ মোদী ষ্টেডিয়ামত খেলখন সন্ধিয়া চাৰে ৭ বজাত আৰম্ভ হ’ব। আনহাতে, একেই ষ্টেডিয়ামতে বুধবাৰে ৰাজস্থান ৰয়েলছ আৰু ৰয়েল চেলেঞ্জাৰ্ছ বেংগালুৰু এলিমিনেটৰ খেলত মুখামুখি হ’ব। চেন্নাইৰ এম চিদাম্বৰম ষ্টেডিয়ামত ২৪ মে’ত দ্বিতীয়খন কোৱালিফায়াৰ আৰু ২৬ মে’ত ফাইনেল খেলখন অনুষ্ঠিত হ’ব।