■ আই পি এল ক্রিকেট প্রতিযোগিতাত যোৱানিশা জয়পুৰৰ ছৱাই মানছিং ষ্টেডিয়ামত অনুষ্ঠিত এখন খেলত মুম্বাই ইণ্ডিয়ানছে ৰাজস্থান ৰয়েলছক ১০০ ৰানত পৰাস্ত কৰে। ৰাজস্থান ৰয়েলছে ২১৮ ৰানৰ বিজয় লক্ষ্যৰে খেল আৰম্ভ কৰি ১৬ অভাৰ আৰু এটা বলত আটাইকেইটা উইকেট হেৰুৱাই ১১৭ ৰানহে কৰিবলৈ সমৰ্থ হয়। ৰাজস্থানৰ হৈ জোফ্ৰা আৰ্চাৰে সৰ্বাধিক ৩০ ৰান কৰে। মুম্বাইৰ ট্ৰেণ্ট বোল্ট আৰু কৰম শৰ্মাই তিনিটাকৈ উইকেট দখল কৰে।
ইয়াৰ পূৰ্বে মুম্বাই ইণ্ডিয়ানছে প্রথম বেট ধৰাৰ আমন্ত্ৰণ লাভ কৰি নিৰ্ধাৰিত ২০ অভাৰত দুটা উইকেটৰ বিনিময়ত ২১৭ ৰান কৰে। মুম্বাই ইণ্ডিয়ানছৰ হৈ ৰয়ান ৰিকেল্টনে সৰ্বাধিক ৬১ ৰান কৰে। ৰাজস্থানৰ মহিষ তিনা আৰু ৰিয়ান পৰাগে এটাকৈ উইকেট দখল কৰে। ৰয়ান ৰিকেল্টনক প্লেয়াৰ অব দ্যা মেচ হিচাপে ঘোষণা কৰা হয়।
প্রতিযোগিতাত আজি আহমেদাবাদৰ নৰেন্দ্ৰ মোদী ষ্টেডিয়ামত হ’বলগীয়া এখন খেলত গুজৰাট টাইটানছ ছানৰাইৰাৰ্ছ হায়দাবাদৰ বিৰুদ্ধে খেলিব। খেলখন সন্ধিয়া ৭.৩০ বজাত আৰম্ভ হ’ব।