স্বাধীনতা দিৱসৰ দিনা ৰাজ্যৰ ২৪ স্থানত উদ্ধাৰ হোৱা বোমা সদৃশ সামগ্ৰীৰ সন্দৰ্ভত তদন্ত কৰিবলৈ অসম আৰক্ষীয়ে বিশেষ তদন্ত গোট গঠন কৰিছে বুলি আৰক্ষীৰ বিশেষ সঞ্চালক প্রধান হৰমিত সিঙে প্রকাশ কৰে। এই গোটটোৱে বোমা সদৃশ সামগ্রী উদ্ধাৰৰ লগতে সম্পর্কীত সকলো দিশ তদন্ত কৰাৰ উপৰিও অসম আৰক্ষীয়ে ৰাজ্যৰ সকলো লোকৰ সুৰক্ষা নিশ্চিত কৰিবলৈ বদ্ধপৰিকৰ বুলি উল্লেখ কৰে। উল্লেখযোগ্য যে ডিব্ৰুগড়ত উজনি অসমৰ ৫ জিলাৰ আৰক্ষী অধীক্ষক তথা থানা আৰু আৰক্ষীৰ চকীৰ ভাৰপ্ৰাপ্ত আৰক্ষী বিষয়াৰ সৈতে আইন-শৃংখলা পৰিস্থিতিৰ সন্দৰ্ভত পর্যালোচনা বৈঠকত কোনো দুষ্কৃতিকাৰীকে আৰক্ষীয়ে ৰেহাই নিদিয়াৰ লগতে চোৰাংচোৱাৰ ব্যৰ্থতা সন্দৰ্ভত উত্থাপিত অভিযোগৰো তদন্ত কৰিব বুলি আৰক্ষী বিষয়াগৰাকীয়ে উল্লেখ কৰে ৷