ভাৰতীয় প্ৰযুক্তি বিদ্যা প্ৰতিষ্ঠান আই আই টি গুৱাহাটীত কালি হাড়ৰ সংক্ৰমণ আৰু এণ্টিবায়টিক প্ৰতিৰোধ ক্ষমতাৰ বিৰুদ্ধে যুঁজিবলৈ হাইড্রক্সিএপেটাইট শীর্ষক এখন কর্মশালা অনুষ্ঠিত হয়। কৰ্মশালাৰ উদ্বোধনী অনুষ্ঠানত আই আই টি গুৱাহাটীৰ জৈৱ বিজ্ঞান আৰু জৈৱ অভিযান্ত্ৰিক বিভাগৰ মুৰব্বী, অধ্যাপক উৎপল বৰাই টিচু ইঞ্জিনিয়াৰিঙৰ তাৎপৰ্য আৰু বাস্তৱত ইয়াৰ চিকিৎসা প্ৰদানত আলোকপাত কৰে। অনুষ্ঠানৰ আহ্বায়ক আই আই টি গুৱাহাটীৰ জৈৱ বিজ্ঞান আৰু জৈৱ অভিযান্ত্ৰিক বিভাগৰ অধ্যাপক ললিত এণ্ড পাণ্ডেই কৰ্মশালাৰ মূল কাৰ্যসূচীৰ ৰূপৰেখা দাঙি ধৰে। চিকিৎ‍সা আৰু সংক্ৰমণ নিয়ন্ত্ৰণ দুয়োটাতে অভিযন্তা এইচ এ পিৰ আন্তঃশাখা প্রয়োগৰ ওপৰত আলোকপাত কৰা হয়। এই কর্মশালাত হাতে-কামে কৰা প্ৰশিক্ষণ কাৰ্যসূচীত উত্তৰ-পূৰ্বাঞ্চলৰ বিভিন্ন শৈক্ষিক প্ৰতিষ্ঠানৰ প্ৰায় ৫০ জনতকৈও অধিক অংশগ্ৰহণকাৰীয়ে ভাগ লয়। নেন’ এইচ এ পিৰ সংশ্লেষণ আৰু বৈশিষ্ট্য নিৰ্ণয়ৰ বিভিন্ন দিশত অংশগ্ৰহণকাৰীসকলে হাতে-কামে অভিজ্ঞতা লাভ কৰে। কর্মশালাখনত হাড়ৰ কলা অভিযান্ত্ৰিকৰণ, মৰাপাট, ঔষধ প্ৰদান আৰু পৃষ্ঠ আৱৰণকে ধৰি বিভিন্ন জৈৱ চিকিৎসা প্রয়োগত এইচ এ পিৰ সম্ভাৱনাৰ ক্ষেত্ৰত আলোকপাত কৰা হয়।