হোজাই বিহুতলী ৰাজহুৱা খেলপথাৰত ভাৰতীয় জনতা পার্টীৰ আজি বিশেষ সাংগঠনিক সভা অনুষ্ঠিত হয়। দলটোৰ ৰাজ্যিক সভাপতি দিলীপ শইকীয়াৰ লগতে সাংসদ কামাখ্যা প্রসাদ তাছা, বিধায়কদ্বয় ৰামকৃষ্ণ ঘোষ আৰু শিবু মিশ্রকে ধৰি দলৰ কেইবাজনো জ্যেষ্ঠ নেতা সভাত উপস্থিত থাকে। সমাগত বিধানসভা নির্বাচনত বিজেপি দলে ১২৬ খন আসনতে প্রতিদ্বন্দিতা কৰিব আৰু মিত্ৰদলৰ লগত আলোচনা কৰি কোন সমষ্টিত কাক প্রার্থী হিচাপে নিক্ষেপ কৰিব তাৰ সিদ্ধান্ত লব বুলি দলৰ সভাপতি দিলীপ শইকীয়াই জানিবলৈ দিয়ে।