কেন্দ্রীয় গৃহমন্ত্রী অমিত শ্বাহে দেশৰ বান ব্যৱস্থাপনা প্রস্তুতি সন্দৰ্ভত কালি নতুন দিল্লীত এখন উচ্চ পৰ্যায়ৰ পৰ্যালোচনা বৈঠকত অধ্যক্ষতা কৰে। শ্ৰীশ্বাহে দেশৰ বান প্ৰতিৰোধৰ ক্ষেত্ৰত গ্ৰহণ কৰা দীৰ্ঘম্যাদী ব্যৱস্থা আৰু যোৱা বছৰৰ বৈঠকৰ সিদ্ধান্ত অনুসৰি লোৱা পদক্ষেপসমূহৰ পৰ্যালোচনা কৰে। গৃহ মন্ত্ৰ্যালয়ে এটা বিবৃতিত উল্লেখ কৰা অনুসৰি গৃহমন্ত্ৰীগৰাকীয়ে বান ব্যৱস্থাপনাৰ বাবে সকলোবোৰ সংস্থাই গ্রহণ কৰা নব্য প্ৰযুক্তিৰ সন্দৰ্ভত আলোচনা কৰে। তেওঁ ৰাষ্ট্ৰীয় দুৰ্যোগ ব্যৱস্থাপনা প্ৰাধিকৰণক তৃণমূল পৰ্যায়ত আগতীয়া সতৰ্কতা প্ৰচাৰ কৰাটো নিশ্চিত কৰাৰ বাবে ৰাজ্যিক দুৰ্যোগ ব্যৱস্থাপনা প্ৰাধিকৰণ আৰু জিলা দুৰ্যোগ ব্যৱস্থাপনা কৰ্তৃপক্ষৰ সৈতে সহযোগিতা ৰাখিবলৈ নিৰ্দেশ দিয়ে। শ্রীশ্বাহে লগতে বান নিয়ন্ত্ৰণ আৰু জল ব্যৱস্থাপনাৰ বাবে কেন্দ্রীয় সংস্থাসমূহে মহাকাশ প্রযুক্তিৰ সৰ্বাধিক ব্যৱহাৰৰ ক্ষেত্ৰত গুৰুত্ব আৰোপ কৰে। বৰ্ধিত নগৰীয়া বানৰ সমস্যাৰ কথা উল্লেখ কৰি কেন্দ্ৰীয় মন্ত্ৰীগৰাকীয়ে নগৰ অঞ্চলত বান নিয়ন্ত্ৰণৰ বাবে যাৱতীয় আৰু সময়োচিত ব্যৱস্থাৰ উপৰি মহানগৰসমূহত বান ব্যৱস্থাপনাৰ বাবে বিস্তৃত আঁচনি প্রস্তুত কৰিবলৈ সকলো কেন্দ্ৰীয় সংস্থাক নির্দেশ দিয়ে।