অসম চৰকাৰৰ গ্ৰন্থবৰ্ষৰ সৈতে সংগতি ৰাখি গুৱাহাটী মহাবিদ্যালয়ত চলি থকা তিনিদিনীয়া গ্রন্থমেলা প্রাংগণত আজি এখন মুকলি কুইজ প্রতিযোগিতা অনুষ্ঠিত হয়। মহাবিদ্যালয়ৰ ছাত্ৰছাত্ৰী আৰু অধ্যাপক-অধ্যাপিকাসকলৰ মাজত অনুষ্ঠিত কুইজ প্রতিযোগিতাখনিৰ মূল বিষয় আছিল সদ্যপ্রয়াত প্ৰাণৰ শিল্পী জুবিন গাৰ্গ আৰু তেওঁৰ জীৱনজোৰা শিল্পযাত্রা। মহাবিদ্যালয়ৰ গ্ৰন্থাগাৰিক ড° অনুজয় কুমাৰ শইকীয়াই আঁত ধৰা প্রতিযোগিতাখন পৰিচালনা কৰে মহাবিদ্যালয়ৰ ইংৰাজী বিভাগৰ সহকাৰী অধ্যাপক ডৎকৌশিক হাজৰিকাই আৰু তেওঁক সহযোগ কৰে ইতিহাস বিভাগৰ সহকাৰী অধ্যাপক ড° ধনমণি কলিতাই। তিনিটা ৰাউণ্ডত অনুষ্ঠিত প্রতিযোগিতাখনিত শুদ্ধ উত্তৰ প্ৰদান কৰা সকলোকে থলীতে পুৰস্কাৰসমূহ প্ৰদান কৰা হয়।