কেন্দ্ৰীয় চৰকাৰৰ আয়ুষ মন্ত্ৰ্যালয়ৰ অধীনস্থ কেন্দ্ৰীয় আয়ুর্বেদ বিজ্ঞান গৱেষণা পৰিষদ CCRAS ৰ অন্তৰ্গত গুৱাহাটীৰ কেন্দ্ৰীয় আয়ুৰ্বেদ গৱেষণা প্ৰতিষ্ঠানত আজিৰে পৰা দুদিনীয়া কাৰ্যসূচীৰে সংবাদ পত্রিকাৰ সম্পাদক আৰু পর্যালোচকসকলৰ এখন সন্মিলন অনুষ্ঠিত হৈছে। CCRAS ৰ সঞ্চালক প্ৰধান ৰবিনাৰায়ণ আচাৰ্যই আজি এই সন্মিলন আনুষ্ঠানিকভাৱে মুকলি কৰে। কাইলৈ সামৰণি পৰিবলগীয়া এই সন্মিলনত সমগ্ৰ দেশৰ বহু কেইগৰাকী মুখ্য সম্পাদক, সম্পাদক, সম্পাদনা সমিতিৰ সদস্য আৰু পৰ্যালোচকে অংশগ্ৰহণ কৰে।