ভাৰতে চলিত বৰ্ষৰ ১৭ বছৰ অনূর্ধ মহিলাৰ ছাফ ফুটবল চেম্পিয়নশ্বিপত দমনীয় প্রদর্শন অব্যাহত ৰাখিছে। প্রতিযোগিতাৰ কালি ভূটানৰ থিঙ্কুৰ চাংলিমিথাং ষ্টেডিয়ামত অনুষ্ঠিত এখন খেলত ভাৰতে ঘৰুৱা দলটোক ৫-০ ফলাফলত পৰাস্ত কৰে। এয়া হ‘ল প্ৰতিযোগিতাখনত ভাৰতৰ ক্ৰমাগত চতুর্থ বিজয়। ভাৰত সম্প্ৰতি প্ৰতিযোগিতাৰ পইণ্ট তালিকাত ১২ পইণ্টেৰে শীৰ্ষস্থানত আছে। দ্বিতীয় স্থানত থকা বাংলাদেশে এতিয়ালৈ ৯ পইণ্ট অৰ্জন কৰিবলৈ সমৰ্থ হৈছে।
প্ৰতিযোগিতাত চাৰিদিন পূর্বে অনুষ্ঠিত আন এখন খেলত ভাৰতে ভূটানক ৮-০ ফলাফলত পৰাস্ত কৰিছিল। কালিৰ খেলখনত অনুষ্কা কুমাৰীয়ে দুটা গ’ল দিয়ে। এইপর্যন্ত প্রতিযোগিতাৰ চাৰিখন খেলত ভাৰতে মুঠ ২২ গ’ল দিয়াৰ বিপৰীতে প্ৰতিপক্ষই ভাৰতক গ‘ল দিবলৈ সমৰ্থ হোৱা নাই।
