সমগ্ৰ উত্তৰ-পূৰ্বাঞ্চলে প্রধানমন্ত্ৰী নৰেন্দ্ৰ মোদীৰ নেতৃত্বত উন্নয়নৰ পথত অগ্ৰসৰ হৈছে। ভার্চুৱেল ব্যৱস্থাৰে আগৰতলাত আয়োজন কৰা নিযুক্তি পত্ৰ বিতৰণৰ কাৰ্যসূচী সম্বোধন কৰি গৃহমন্ত্রী অমিত শ্বাহে এনেদৰে কয় । ত্ৰিপুৰা চৰকাৰে কোনো ধৰণৰ বৈষম্য বা দুর্নীতি অবিহনে সম্পূৰ্ণ স্বচ্ছতাৰে চাকৰি প্ৰদান কৰিছে বুলিও তেওঁ মন্তব্য কৰে । যোৱা ১০টা বছৰত নৰেন্দ্ৰ মোদী চৰকাৰে শান্তি স্থাপনৰ উদ্দেশ্যে ত্ৰিপুৰাৰ সৈতে ৩ খন চুক্তি স্বাক্ষৰ কৰে । ত্ৰিপুৰাত সশস্ত্র সংগঠনসমূহ নির্মূল কৰি আত্মসমৰ্পনৰ জৰিয়তে মূলসুঁতিত যোগদান কৰোৱা হৈছে। তেওঁ লগতে কয়, যে স্থায়ী বাসস্থান, শিক্ষা, স্বাস্থ্যসেৱা আৰু চাকৰিৰ সুযোগ প্ৰদান কৰি মোদী চৰকাৰে ব্ৰু-ৰিয়াং জনসাধাৰণৰ জীৱনত ইতিবাচক পৰিৱৰ্তন আনিছে। ইয়াৰ পূৰ্বে অশান্ত আৰু দুৰ্নীতিগ্ৰস্ত হিচাপে পৰিগণিত ৰাজ্যখন বর্তমান উন্নয়নৰ দিশলৈ গতি কৰিছে বুলি মন্ত্ৰীগৰাকীয়ে মত প্ৰকাশ কৰে।