কেন্দ্ৰীয় তথ্য আৰু সম্প্ৰচাৰ তথা সংসদীয় পৰিক্ৰমা ৰাজ্য মন্ত্ৰী ডº এল মুৰুগানে আজি চিৰাং জিলাৰ পশ্চিম শিলপাতা আদর্শ অংগনবাড়ী কেন্দ্ৰ পৰিদৰ্শন কৰাৰ লগতে কেন্দ্ৰটোৰ শিশুসকলৰ মাতৃসকলৰ সৈতে বাৰ্তালাপ কৰে। ডº মুৰুগানে কেন্দ্ৰীয় চৰকাৰৰ আঁচনিৰ হিতাধিকাৰীসকলৰ সৈতেও মত বিনিময় কৰে। মন্ত্ৰীগৰাকীয়ে কাজলগাঁৱত সমাজ কল্যাণ বিভাগৰ মহিলা পৰামৰ্শদাতা কেন্দ্ৰটো পৰিদৰ্শন কৰি কাম-কাজৰ বুজ লয়। মন্ত্ৰীগৰাকীৰ সৈতে সাংসদ ৰণগৌড়া নাৰ্জাৰী, জয়ন্ত বসুমতাৰী, বি টি চিৰ কাৰ্যবাহী সদস্য গৌতম দাস আৰু চিৰাঙৰ জিলা আয়ুক্তই অনুষ্ঠানত অংশ লয়। ইয়াৰ পাছত তেওঁ জিলাখনৰ দাংতল খাগ্ৰাবাৰীত হিন্দুস্তান পেট্রলিয়াম কৰ্পোৰেশ্যন লিমিটেডৰ তৈলভাণ্ডাৰ প্ৰকল্প পৰিদৰ্শন কৰে। কেন্দ্ৰীয় মন্ত্ৰীগৰাকীয়ে এই নিৰ্মাণৰত তৈল ভাঙাৰে বি টি চিৰ আৰ্থ-সামাজিক দিশত বিশেষভাৱে অৰিহণা যোগাব বুলি মত প্ৰকাশ কৰে । ইয়াৰ পাছত তেওঁ চিৰাঙৰ ভাৰত- -ভূটান সীমান্তৰ শিক্ষানুষ্ঠান আৰু কেন্দ্ৰীয় চৰকাৰৰ কেতবোৰ আঁচনি পৰিদৰ্শন কৰে। ভ্রমণসূচী সামৰি মন্ত্ৰীগৰাকী দিল্লীলৈ উভতিব।