ডিব্ৰুগড় জিলা ক্রীড়া সন্থাৰ উদ্যোগত কালি চৌকিডিংগী খেলপথাৰত সাংসদ খেল মহোৎসৱৰ শুভাৰম্ভ কৰা হয়। ডিব্ৰুগড় লোকসভাৰ সাংসদ তথা কেন্দ্রীয় মন্ত্রী সর্বানন্দ সোণোৱালে এই মহোৎসৱৰ শুভাৰম্ভ কৰে। ভাৰতৰ প্ৰতিগৰাকী যুৱক-যুৱতীক শাৰীৰিকভাৱে উপযুক্তভাবে গঢ় দিয়া আৰু শক্তিশালী ভাৰত নিৰ্মাণৰ উদ্দেশ্যে চৰকাৰে এই ধৰণৰ পদক্ষেপ লৈ আহিছে বুলি মন্ত্রী সর্বানন্দ সোণোৱালে প্রকাশ কৰে।
ডিব্ৰুগড় ক্রীড়া সন্থাৰ সভাপতি নিৰঞ্জন শইকীয়াৰ পৌৰাহিত্যত অনুষ্ঠিত শুভাৰম্ভণি অনুষ্ঠানত অসম চৰকাৰৰ কেবিনেট মন্ত্রী প্রশান্ত ফুকন, বিধায়ক চক্ৰধৰ গগৈ, তেৰশ গোৱালা, সুৰেন ফুকন, সঞ্জয় ফুকন, ডিব্ৰুগড় পৌৰ নিগমৰ মেয়ৰ ডাঃ চৈকত পাত্র, উপ মেয়ৰ উজ্জ্বল ফুকন আৰু ভাৰতীয় জনতা পার্টীৰ বহু সংখ্যক বিষয়ববীয়া তথা কর্মীসকল উপস্থিত থাকে।
