প্ৰথমবাৰৰ বাবে আয়োজন কৰা মহিলাৰ হকী ইণ্ডিয়া মাষ্টাৰ্ছ কাপ প্রতিযোগিতা কাইলৈ তামিলনাডুৰ চেন্নাইত আৰম্ভ হ’ব। কাইলৈ পুৱা ৬ বজাত হিমাচল আৰু মহাৰাষ্ট্ৰৰ মাজত প্ৰতিযোগিতাৰ উদ্বোধনী খেলখন অনুষ্ঠিত হ’ব। ইয়াৰ পাছতে পুৱা চাৰে ৭ বজাত কৰ্ণাটক কেৰালাৰ বিৰুদ্ধে অৱতীৰ্ণ হ’ব। ১০ দিনীয়া প্ৰতিযোগিতাখনৰ ফাইনেল খেলখন অহা ২৭ জুনত খেলোৱা হ’ব। প্ৰতিযোগিতাত ভাগ লোৱা মুঠ ৮টা দলৰ ভিতৰত হিমাচল, কৰ্ণাটক, মহাৰাষ্ট্ৰ আৰু কেৰালাক গ্ৰুপ-এত আৰু ওড়িশা, হাৰিয়ানা, পঞ্জাব আৰু তামিলনাড়ুক গ্রুপ-বিত স্থান দিয়া হৈছে। এই আগশাৰীৰ প্ৰতিযোগিতাৰ উদ্বোধনী সংস্কৰণে ভাৰতীয় হকীৰ ইতিহাসত নতুন অধ্যায়ৰ সূচনা কৰিব বুলি আশা কৰা হৈছে ।