ভাৰতীয় জনতা পাৰ্টীয়ে আজি পশ্চিমবংগৰ শাসনাধিষ্ঠিত তৃণমূল কংগ্ৰেছক সমালোচনা কৰি কয় যে ৰাজ্যখনত অসামাজিক কাম-কাজ বৃদ্ধি হৈছে। নতুন দিল্লীত সংবাদ মাধ্যমৰ সৈতে হোৱা কথা-বতৰাত দলৰ মুখপাত্ৰ গৌৰৱ ভাটিয়াই তৃণমূল কংগ্ৰেছৰ মুৰব্বী আৰু পশ্চিমবংগৰ মুখ্যমন্ত্রী মমতা বেনাৰ্জীয়ে সংবিধান আৰু ইয়াৰ মূল্যক বিশ্বাস নকৰে বুলি অভিযোগ তোলে। মমতা বেনাৰ্জীয়ে অসামাজিক কাম-কাজৰ বিৰুদ্ধে কোনো ব্যৱস্থা লোৱা নাই বুলিও অভিযোগ কৰে। শ্ৰী ভাটিয়াই কয় যে উত্তৰ দিনাজপুৰৰ ৰাজহুৱা স্থানত এহাল পুৰুষ-মহিলাক শাৰীৰিকভাৱে নিৰ্যাতন চলোৱাৰ ঘটনাই ইয়াক প্ৰমাণিত কৰে। এই ক্ষেত্ৰত কংগ্ৰেছৰ নেতা মল্লিকার্জুন খাৰ্গে, ছোনিয়া গান্ধী, ৰাহুল গান্ধী আদিয়ে কিয় মৌনতা অৱলম্বন কৰিছে, সেই বিষয়েও তেওঁ প্ৰশ্ন কৰে।