আজিৰে পৰা তিনিদিনীয়া কাৰ্যসূচীৰে বিশ্বনাথ জিলাৰ মঘাই ওজা বিহুতলীত শ্রীমন্ত শংকৰদেৱ নামধৰ্ম সমাজৰ পঞ্চাদশ ৰাজ্যিক অধিবেশন আৰম্ভ হৈছে। এই অধিৱেশনৰ বাবে কালি গুৰুআসন প্রতিষ্ঠা কৰা হয়। অধিবেশনত প্রতিদিনেই ২২ হাজাৰ ভকত-বৈষ্ণৱে অংশগ্রহণ কৰিব বুলি আদৰণি সমিতিয়ে জানিবলৈ দিছে। অধিৱেশন সূচাৰুৰূপে অনুষ্ঠিত কৰিবলৈ ১৭ খন উপ সমিতিৰ বিষয়ববীয়াই দিনে নিশাই ব্যস্ত হৈ আছে। আজি দিনত এই অধিৱেশনৰ প্ৰতিনিধি শিবিৰ মুকলি কৰা হ’ব। কাইলৈ প্রতিনিধি সভাৰ লগতে কার্যনির্বাহক সভা অনুষ্ঠিত হ’ব। পৰহিলৈ পুৱা ভাগৱত শোভাযাত্ৰাৰ লগতে মুকলি সভাও অনুষ্ঠিত কৰা হ’ব। অধিবেশন উপলক্ষে ভাওনা প্রদর্শন, স্মৃতি গ্রন্থ উন্মোচনৰ লগতে বহুতো কাৰ্যসূচীৰ আয়োজন কৰা হৈছে। বিভিন্ন জিলাৰ পৰা বহু প্রতিনিধি ইতিমধ্যে বিশ্বনাথৰ এই অধিবেশন স্থলীত উপস্থিত হৈছে।