বাংলাদেশত কালি সংঘটিত এটা বিমান দুর্ঘটনাত চালককে ধৰি কমেও ২০ গৰাকী লোকৰ মৃত্যু আৰু ১৭১ গৰাকী আহত হয়। কালি সন্ধিয়া দেশখনৰ আন্তঃসেৱা জনসম্পৰ্কৰক্ষী বিষয়াই এই দুৰ্ঘটনাৰ কথা সদৰী কৰে। কালি দিনৰ প্ৰায় ১ বজাত বাংলাদেশ বায়ুসেনাৰ F-7 BGI প্রশিক্ষণ বিমানখনে দেশখনৰ ৰাজধানী ঢাকাৰ উত্তৰা অঞ্চলৰ মাইলষ্টন কলেজ চৌহদত দুৰ্ঘটনাত পতিত হয়। বাংলাদেশৰ এই F-7 বিমানখন হৈছে চীনৰ চেংডু J-7ৰ আধুনিক সংস্কৰণ। ২০১৩ চনত চীনে বাংলাদেশক ১৬খন বিমান হস্তান্তৰ কৰাৰ পাছত ইয়াৰ উৎপাদন বন্ধ কৰি দিয়ে। কালিৰ দুৰ্ঘটনাৰ পাছতে বাংলাদেশ প্রশাসনে নিহতসকলৰ মৃতদেহ চিনাক্ত কৰাৰ লগতে আহতসকলক উপযুক্ত চিকিৎ‍সাৰ বাবে সাহায্য অভিযান তীব্ৰ কৰি তোলে। বাংলাদেশ সেনা আৰু অগ্নিনির্বাপক বাহিনীয়ে উদ্ধাৰ অভিযান চলাই থকাৰ সমান্তৰালকৈ দুৰ্ঘটনাত আহত লোকসকলৰ চিকিৎসাৰ বাবে ০১৯৪৯-০৪৩৬৯৭ হেল্পলাইন নম্বৰ মুকলি কৰিছে। উল্লেখযোগ্য যে এই দুৰ্ঘটনাত নিহত লোকসকলৰ বাবে বাংলাদেশ চৰকাৰে এদিনীয়া ৰাষ্ট্ৰীয় শোক ঘোষণা কৰিছে।